Lima-Pakkakkasa-Ripake-Tuo-Ri-Ase’na-Tanae - pembaca budiman, sekedar mengingatkan melalui khutbah singkat ini tentang hal yang harus dimiliki dalam kehidupan dunia
السلام عليكم ورحمة الله وبركاته
الحمد لله، الحمد لله القائلِ فِى كِتَابِهِ اْلعَزِيْزِ. وَتَزَوَّدُوْا فَإِنَّ خَيْرَ الزَّادِ التَّقْوَى. اشهد ان لا اله الا الله. واشهد ان محمدا عبده ورسوله المبعوث رحمة للعالمين. الَّلهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ اجمعين.
أما بعد, فَيَاعِبَادَ اللهِ اِتَّقُوْااللهَ حَقَّ تُقَاتِهِ وَلَا تَمُوْتُنَّ إِلَّا وَأَنْتُمْ مُسْلِمُوْنَ. فَقَدْ قَالَ اللهُ سُبْحَانَهُ وَتَعَالَى فِي كِتَابِهِ اْلكَرِيْمِ وَهُوَ اَصْدَقُ اْلقَائِلِيْنْ. أَعُوْذُ بِاللهِ مِنَ الشَّيْطَانِ الرَّجِيْمِ. بِسْمِ اللهِ الرَّحْمَنِ الرَّحِيْمِ. يَاأَيّهَا الّذَيْنَ آمَنُوْا اتّقُوا اللهَ حَقّ تُقَاتِهِ وَلاَ تَمُوْتُنّ إِلاّ وَأَنْتُمْ مُسْلِمُوْنَ. صَدَقَ اللهُ اْلعَظِيْمُ. وَبَلَّغَ رَسُوْلُهُ اْلكَرِيْم ْوَنَحْنُ عَلَى ذَلِكَ مِنَ الشَّاهِدِيْنَ وَالشَّاكِرِيْنْ وَاْلحَمْدُ لِلهِ رَبِّ اْلعَالَمِيْنْ.
5 Pakkakkasa Ripake Tuo Ri Ase’na Tanae
 |
5 Pakkakkasa Ripake Tuo Ri Ase’na Tanae |
Sining Umma Selleng Malebbi Engkae Hadere...
Alhamdulillah sukkuru’ki mappoji tenrigangka lao risese arajanna Puag Alla Ta’ala nasaba engkata’si nawereng teppe’ simata natopada engkasiki haderekiwi iye onrong mabbarakkae.
Makkotopa paimeng salawa nenniya pappasalama masse lao rikkeng pengulutta Nabiullah SAW. suro iya pura nalantie Puang Alla Ta,ala untu mancaji rahmatan lil alamin (pammase risininna alangnge).
Rilalenna iye kesempatan malebbie upuminasai ritu untu rampengekki ada assiparengarangeng ritujunna “Lima Pakkakkasa Ripake Tuo Ri Ase’na Tanae”.
Sining Umma Selleng Malebbi Engkae Hadere...
Majeppu idi rupa taue engkaki tuo rilebo’na lino rigau engkata mapparellu lao risiagae egana pakkakkasa. Idi rupa taue narekko melo’ki maggalung tentu de nawedding jaji narekko de tappunnai bingkung, subbe, rakkala nennia siagae egana pakkakkasa nekiya iyaro pakkakkasa maeloe tapake matti riesso rimunri musti tasiapkan manenni makkukue. Tegana napakkellori yanaritu:
Makkotopa paimeng salawa nenniya pappasalama masse lao rikkeng pengulutta Nabiullah SAW. suro iya pura nalantie Puang Alla Ta,ala untu mancaji rahmatan lil alamin (pammase risininna alangnge).
Rilalenna iye kesempatan malebbie upuminasai ritu untu rampengekki ada assiparengarangeng ritujunna “Lima Pakkakkasa Ripake Tuo Ri Ase’na Tanae”.
Sining Umma Selleng Malebbi Engkae Hadere...
Majeppu idi rupa taue engkaki tuo rilebo’na lino rigau engkata mapparellu lao risiagae egana pakkakkasa. Idi rupa taue narekko melo’ki maggalung tentu de nawedding jaji narekko de tappunnai bingkung, subbe, rakkala nennia siagae egana pakkakkasa nekiya iyaro pakkakkasa maeloe tapake matti riesso rimunri musti tasiapkan manenni makkukue. Tegana napakkellori yanaritu:
1. Mammulanna: Aja lalo nasalaiki lampu teppedde yanaritu teppe.
Namukka iyaro lampue rilino ripakei untu pallaisengngi sewwa-sewwae barekko polei pettangnge, naiyya tosi lampu meloe ripake pallaisengngi anu majae sibawa anu madecengnge yanaritu teppee. Nategena yaseng teppe: Ripannessai rilalenna, haddese’e:
اَنْ تُؤْمِنَ باللهِ وَمَلَئِكَتِهِ وَكُتُبِهِ وَرُسُلِهِ وَاْليَوْمِ اْلاَخِرِ وَبِاْلقَدَرِ خَيْرِهِ وَشَرِّهِ.
Bettuanna: Majeppu mateppe’ki lao ri Puang Allah Ta’ala, malaeka’na, kitta’na surona, essorimonri, ninniya toto madeceng nenniya majae.
Jaji riasengnge teppe yanaritu engkata matekakengngi rilaleng atitta makkedae لا اله الا الله makkotoparo paimengمحمد رسول الله . Nenniya ripaccingi toi ritu atitta pole ri ateka salae. Jaji selama engkamopi teppe’na seddie tau majeppu deritu maelo. Meppugau pangkaukeng sala. Engka siddi riwaya rampei makkedae:
لاَ يَسْرِقُ السَّارِقُ حِيْنَ يَسْرِقُ وَهُوَ مُؤْمِنٌ.
Bettuanna: Denaennau seddie panga riwettu mennaunna rigau engkana mateppe,
jaji uppanna-uppanna seddie rupatau mappegau anu masala berarti lesangngi ritu teppe’na riwettu napejamana yaro pangkaukeng salae. Biasa kajajiang riolo matatta maneng, engka tau temmaka watanna beribadah lao ripuag Alla Ta’ala matinulu, massempajang, mappuasa, malabo naikiya biasai naala agaganna padanna rupa tau ri gau engkana de napoadangngi punnana, jaji iyaro wettunna nala barangnna rupa tau lesanggi teppe’na. Jaji makkuniro perananna teppe,e untu hadapi matti esso rimonri.
2. Maduanna ajalalo nasalaiki bujung temetti yanaritu paddisengeng.
Marissengenni ritu riseseta makkeda iyamanenna jamang-jamangnge mapparellu manengngi ripaddisengenge baik itu perbuatan duniawi maupun uhrawi, pada-padanna aggalungenge denawedding jaji narekko de taissenggi mabbingkung, mattaraktor, dan sebagainya makkutoparo sempajangnge de nessa sempajatta narekko de gaga paddisengengta ritujunna sempajangnge, baik bacaannya maupun gerakannya jaji iyatonaro passabarenna idi umma sellengnge riwajikengki tuntui riasengnge paddisengeng makkedai Nabitta SAW:
طَلَبُ اْلعِلْمِ فَرِيْضَةٌ عَلَى كُلِّ مُسْلِمٍ.
Artinya: Menuntut ilmu itu wajib bagi kaum muslim.
Rihaddese laingnge ri makkedanna:
اُطْلُبُوا اْلعِلْمَ مِنَ اْلمَهْدِ اِلَى اللَّحْدِ.
Artinya: Tuntutlah ilmu dari buaiyan sampai ke liang lahad.
Jadi begitu pentingnya ilmu dalam mengerjakan sesuatu sehingga kita diperintahkan untuk menuntut ilmu sejak dini. Makkutoparo napuadae Puang Alla Ta’ala rilalenna aqorang malebbie rimakkedanna:
يَرْفَعِ اللهُ الَّذِيْنَ آمَنُوْا مِنْكُمْ وَالَّذِيْنَ اُوْتُوْا اْلعِلْمَ دَرَجَاتٍ.
Artinya: Allah akan mengangkat derajat orang-orang beriman diantara kamu dan orang-orang yang mempunyai ilmu dengan beberapa derajat.
Sining Umma Selleng Malebbi Engkae Hadere...
3. Makkatellunna yanaritu ajalalo nasalaiki bokong temmawari yaniaritu amala madeceng.
Marisengengi riseseta makkedae yaro idi toripanccajinna puang Allahu Ta’ala pede lao essoe pede macawekki pole riasengnge amatengeng, tunru pada toha pepatana arab’e rimkkedana:
السِّنُّ يَزْدَادُ وَاْلعُمْرُ يَنْقُصُ.
Bettuanna: Naiya taungnge pede tatambai, naikiya umurue pede makurangngi.
Narimukkuannaro pada maini natopada paressai aleta gau agana pura tapegau? gau agana pura tajama untuk moloi seddie esso yanaritu esso dee naribata-batangi apolengenna. Makkedai Puang Allahu Taala:
واتَّقُوْا يَوْمًا تُرْجَعُوْنَ فِيْهِ اِلَى اللهِ.
Bettuanna: Etauko mennang riseddie esso yanaritu esso riparewe mutu mennang lao ri puang Allah Ta’ala.
Nasaba narekko naratteni ritu passuke,na yarega ajjalenna seddie rupa tau, teppettu toni ritu wettunna untuk papole amala madeceng. Jadi narimukka engkana mopa ritu watakkaleta massiddi sibawa nyawata sibole-boleta pakamegai memenni bokotta.
4. Maeppana: Aja lalo nasaliki pakeang tebburue yanaritu ampe-ampe madeceng.
Riasenge ampe-ampe madeceng yanaritu sininna ampe-ampe iya engkae najjellokeng nenniya napogau nabitta, pada-padanna assitulung-tulungeng ripadatta rupatau. Iyatonae ampe-ampe madecengge merupakan sesuatu yang paling mahal dan paling tinggi nilainya, dalam kehidupan, sehingga tak dapat dinilai dengan materi. Pepata orang arab mengatakan:
كُلُّ شَيْئٍ اِذَا كَثُرَ رَخُصَ اِلاَّ اْلاَدَبَ.
Bettuanna: Sininna anu maegae masempo manengngi sangngadinna ampe-ampe madeceng.
Taitani gare agagae kopasae pada-padanna pade, narekko maegai pao ripasae masempotu ellinna, bahkan kadang-kadang nabbereang bawammi taue, anekiya ampe madecengnge pade maega ampe amdeceng napapole seddie rupa tau pede, masolii angke,na lao ripadanna rupatau, pede ripakalebbi,i. Nainappa tatulungngi padatta rupa tau, termsuk suatu ibadah narekko engka muakki jamai nasaba ati mapaccing yarega ikhlas. Jangankan menolong orang macawa cabbiru’ni bawang lao risahaba’ta iyarega tau laingnge riebarai seddi passidekka.
Sining Umma Selleng Malebbi Engkae Hadere...
5. Malimanna: Aja lalo nasalaiki tona-tonangeng magatti yanaritu addampe-dampe lao ripuang Alla Ta’ala.
Narekko tapunnai iyaro eppae sewwa-sewwa, kuaenna lampu teppedde, bujung temmetti, pakeyang tebburu, bokong temmawari parellusi ritu tapassakke nasaba ripake engkana riasengnge tonangeng magatti. Marissengenni riseseta makkedae naiya addamperampe lao ri puang Alla Ta’ala napekaweriki lao rialena padatoha nanigi-nigi tau maddepperi puang Alla Ta’ala iyaddepperitoi tu ripuang Alla Ta’ala. Nanigi-nigi tau pojiwi puangngi engkatoi ritu ripoji, tanra-tanragenna narekko engkaki pojiwi sewwa-sewwae tuli irampei ritu asenna padatoha makkedana ara'e.
مَنْ اَحَبَّ شَيْئًا اَكْثَرَ مِنْ ذِكْرِهِ.
Bettuanna: Nigi-nigi pojiwi sewwa-sewwae, napamegai ritu rampei.
Jaji narekko ripoji puang Alla Ta,ala tapa megani zikkiri’ta. Nappa paimeng yaro zikkirie napatennanggi atitta pada toha makkedanna Puang Alla Ta’ala.
اَلاَ بِذِكْرِ اللهِ تَطْمَئِنُّ اْلقُلُوْبِ.
Bettuanna: Issengngi mennang! Majeppunna addamperampewe lao ripaung Alla Ta,ala napa tennagngi atie.
Naiyatonaro addamperampeta lao ripuangnge mancaji tonang-tonangeng mangattitta matti riesso rimonri.
Sining Umma Selleng Malebbi Engkae Hadere...
Sebagai kesimpulan, pada maini natopada papolei iyewe limae sewwa-sewwa barakuammengngi weddingngi ripusalamakeng riduae wanua yanaritu wanuana lino nenniya akhera.
بَارَكَ اللهُ لِى وَلَكُمْ فِى الْقُرْآنِ الْعَظِيْمِ وَنَفَعَنِى وَاِيَّاكُمْ بِمَا فِيْهِ مِنَ اْلآيَاتِ وَالذِّكْرِ اْلحَكِيْمِ وَتَقَبَّلَ اللهُ مِنِّى وَمِنْكُمْ تِلَا وَتَهُ اِنَّهُ هُوَ السَّمِيْعُ اْلعَلِيْمُ.
semoga khutbah singkat tentang 5 Pakkakkasa Ripake Tuo Ri Ase’na Tanae menjadi pelajaran berharga bagi kita semua amin ya rabbal alamiin
Terima Kasih Anda sudah membaca http://ogibicara.blogspot.co.id Lima-Pakkakkasa-Ripake-Tuo-Ri-Ase’na-Tanae
